Тадқиқотлар ва таҳлил департаменти

Контакт маълумотлари

Телефон: 71-212-60-09

Вазифа ва функциялар

Департаментнинг асосий вазифалари:

• Марказий банк фаолиятига доир иқтисодиётдаги долзарб масалалар юзасидан фундаментал ҳамда илмий-амалий тадқиқотлар олиб бориш;

• иқтисод тармоқларида имкониятлар ва хатарларни даврий таҳлил қилиб бориш;

• қўшма тадқиқотларни амалга ошириш орқали маҳаллий ва хорижий тадқиқот марказлари, олий таълим муассасалари, халқаро ташкилотлар, молия институтлари ҳамда экспертлар билан илмий ҳамкорликни ривожлантириш;

• Марказий банкда тадқиқотчилар, билим ва ғояларни бирлаштирувчи “Тадқиқот майдони” фаолиятини ривожлантириш, илмий-таҳлилий фаолият учун қулай муҳит шакллантириш ҳамда тадқиқот грантлари ва стипендияларига оид дастурларни амалга ошириш ва такомиллаштириб бориш;

Департаментнинг асосий функциялари:

• Марказий банкнинг устувор йўналишларидан келиб чиқиб, тадқиқот дастурларини шакллантириш;

• макроиқтисодий жараёнлар, пул-кредит сиёсати самарадорлиги, молиявий барқарорлик, банк тизими ривожи, банк сектори рисклари, макропруденциал воситалар, рақамли молия ва бошқа долзарб йўналишлар бўйича тадқиқот лойиҳаларини режалаштириш ва амалга ошириш орқали мазкур йўналишларни илмий-таҳлилий жиҳатдан қўллаб-қувватлаш;

• хорижий марказий банклар томонидан кенг қўлланиладиган таркибий моделларни ишлаб чиқиш ва Ўзбекистон иқтисодиётига мослаштириш;

• тадқиқот ва таҳлил натижалари асосида шарҳлар, таҳлилий материаллар, тақдимотлар ҳамда амалий таклифлар тайёрлаш;

• илмий семинарлар, конференциялар, тадқиқот лойиҳалари ва ҳамкорлик ташаббусларини ташкил этиш ҳамда мувофиқлаштириш.