Тўлов тизимларини ривожлантириш департаменти

Алоқа маълумотлари

Телефон: 71-212-61-29

Вазифа ва функциялар

Департаментнинг асосий  вазифалари:

• тўлов тизимлари ишлашининг барқарорлигини таъминлаш, тўлов хизматлари бозорини ривожлантириш, нақд пулсиз ҳисоб-китобларни такомиллаштириш ҳамда янги тўлов хизматларини жорий этиш ишларини мувофиқлаштириш ҳисобланади.

Департаментнинг асосий функциялари:

• Марказий банкнинг Ҳисоб-китоблар клиринг тизими, QR-онлайн, банклараро ва тезкор тўлов тизимлари фаолиятини ривожлантириш, хизмат кўрсатиш доирасини кенгайтириш ва уларнинг узлуксиз фаолияти билан боғлиқ ишларни мувофиқлаштириш;

• тўлов хизматлари бозорини, миллий ва халқаро банк карталарига хизмат кўрсатувчи миллий тўлов тизимларини ривожлантириш, банк карталари асосида ҳисоб-китоблар тизимини такомиллаштириш, тўлов терминаллари, банкоматлар ва бошқа ўз-ўзига хизмат кўрсатиш қурилмалари тармоғини кенгайтириш бўйича ишларни мувофиқлаштириш;

• замонавий тўлов воситалари ва технологияларини, жумладан QR-код, NFC, мобил илова ва бошқа контактсиз тўлов хизматларини ривожлантириш, онлайн тўлов хизматларини оммалаштириш ҳамда аҳоли ва бизнес субъектлари учун янги тўлов хизматларини жорий этиш ишларини ташкил этиш ва мувофиқлаштириш.

• тўлов тизимлари фаолияти, нақд пулсиз ҳисоб-китоблар, банк карталари, электрон пуллар муомаласи ва Департамент ваколатига оид бошқа йўналишлар бўйича норматив-ҳуқуқий ҳужжатлар лойиҳаларини ишлаб чиқиш, уларнинг амалиётга жорий этилиши ва ижросини ташкил этиш ҳамда мувофиқлаштириш;

• нақд пулсиз ҳисоб-китоблар тизимини такомиллаштириш, тўлов ҳужжатларидан фойдаланиш билан боғлиқ муносабатларни ривожлантириш ҳамда тўлов хизматларининг оммабоплиги ва самарадорлигини ошириш.