Жумладан мақолада БМТ ва Жаҳон банки каби халқаро ташкилотлар гендер тенглигидаги натижаларга катта аҳамият қаратади. Шу жиҳатдан, Марказий банкнинг бу сиёсати халқаро ҳамкорликда ҳам ишончли платформага айланиши мумкинлиги таъкидланади.
"Марказий банкда қабул қилинган гендер сиёсатининг институтсионал асослари Янги Ўзбекистоннинг замонавий қиёфасини намоён этувчи муҳим қадамдир. У фақат банк тизимидаги ходимлар учун эмас, балки бутун жамият учун тенглик, адолат ва имкониятлар рамзига айланмоқда. Зеро, молиявий барқарорликнинг асоси рақамлар эмас, балки инсон капитали. Инсон капитали эса, эркак ва аёлнинг тенг ҳуқуқ ва имкониятларда фаолият юритиши билан ҳақиқий қудратга айланади” – дейилади нашрда.
