Мақолада аёллар ва болалар ҳуқуқларини таъминлаш фақатгина ижтимоий сиёсат йўналиши эмас, балки бу давлатнинг ҳуқуқий маданияти қай даражада шакллангани, жамиятнинг маънавий барқарорлиги қанчалик мустаҳкам эканини кўрсатувчи устувор мезон эканлиги таъкидланади. “Инсон қадр-қиммати олий ўринда бўлган тизимда ислоҳотлар фақат иқтисодий кўрсаткичлар билан эмас, аввало, ҳимояга муҳтож қатлам манфаатларини қай даражада кафолатлай олиши билан баҳоланади” – дейилади мақолада.

“Президентимизнинг 2026 йил 3 март куни қабул қилинган “Аёллар ва болалар ҳуқуқла рининг ҳимоясини кучайтириш ҳамда уларга нисбатан тазйиқ ва зўравонлик ҳолатларининг олдини олиш бўйича қўшимча ташкилий-ҳуқуқий чоралар тўғрисида”ги фармони мамлакатимиз ҳуқуқий сиёсатини мазмунан янги босқичга олиб чиққан муҳим ҳужжат сифатида намоён бўлмоқда” – дея эътироф этилади мақолада.