Бухоро асрлар давомида Шарқ цивилизациясининг юраги, илм-фаннинг беқиёс маркази, қитъалар кесишган савдо йўлларининг муҳим чорраҳаси бўлган. Мана шундай заминда яна бир тарихий саҳифа битилди. Осиё хотин-қизларининг иккинчи форуми минтақадаги 2,5 миллиард аёлнинг овози янграган, ҳуқуқлари, орзулари ва имкониятлари кун тартибига чиқарилган мулоқот майдонига айланди.

Форумнинг айни тарих ва замонавийлик туташган нуқтада ўтказилиши бежиз эмас. Зеро, Шарқда аёлнинг мавқеи ҳамиша нозик ва чуқур мазмунга эга бўлган. У нафақат оиланинг устуни, балки жамиятнинг асоси, маданиятнинг кўзгуси ва тараққиётнинг ҳаракатлантирувчи кучидир. Бугун эса у иқтисодиёт майдонига, парламент залларига, илм-фан ва технология дунёсига қадам қўйяпти.

Президентимиз форум иштирокчиларига мурожаатида таъкидлаганидек: “Бугун Осиё қитъасида истиқомат қилаётган 5 миллиардга яқин аҳолининг қарийб ярмини аёллар ташкил этади. Биз уларнинг тимсолида нафақат нафосат соҳибаларини, балки мамлакатларимиз тараққиётини жадаллаштириш, халқлар фаровонлигини юксалтириш ва адолатли дунёни барпо этиш йўлидаги улкан бунёдкор кучни кўрамиз”. Мана шу жумлаларда форумнинг бутун фалсафаси мужассам.

Батафсил