Марказий банк тизимида фаолият юритаётган ходимлар учун Ўзбекистон Республикасининг “Манфаатлар тўқнашуви тўғрисида”ги қонуни мазмун-моҳиятини тушунтиришга бағишланган ўқув-семинар ташкил этилди.
Тадбирда иштирокчиларга қонуннинг мақсади ва амал қилиш соҳаси, манфаатлар тўқнашуви келиб чиқишининг асосий сабаблари, ходимларнинг манфаатлар тўқнашуви билан боғлиқ муносабатларни тартибга солиш чоғидаги ҳуқуқ ва мажбуриятлари, чекловлар, жумладан, қонун талабларини бузганлик учун жавобгарлик белгиланганлиги юзасидан батафсил тушунтиришлар берилди.
Семинар жонли мулоқот тарзида ўтказилиб, иштирокчиларни қизиқтирган саволларга масъул ходимлар томонидан тегишли тушунтириш ва тавсиялар берилди.
