Марказий банк тизимида фаолият юритаётган ёш ходимлар иштирокида “Ёшларда коррупцияга нисбатан муросасиз муносабатни шакллантириш” мавзусида семинар ташкил этилди.
Мазкур тадбир доирасида иштирокчиларга коррупция ва унинг келиб чиқиш сабаблари, коррупцияга қарши курашиш соҳасидаги қонунчилик, коррупциявий хатти-ҳаракатлар учун жавобгарлик турлари ҳамда Марказий банкнинг ички идоравий ҳужжатларининг мазмун-моҳияти етказилди.
Шу билан бирга, ёшларни коррупция иллатидан ҳимоя қилиш ва ёшларда коррупцияга нисбатан муросасиз муносабатни шакллантириш борасида Марказий банк тизимида олиб борилаётган ишлар тўғрисида тўхталиб ўтилди.
Семинар жонли мулоқот тарзида ўтказилиб, иштирокчиларни қизиқтирувчи саволлар юзасидан масъул ходимлар томонидан тегишли тушунтириш ва тавсиялар берилди.
