Марказий банк томонидан микромолия ташкилотлари фаолиятини микромолия банки фаолиятига ўзгартириш тартиби бўйича “Zoom” платформаси орқали бозор иштирокчилари учун давра суҳбати ташкил этилди. Учрашувда Осиё Тараққиёт Банки вакиллари, микромолия ташкилотлари таъсисчилари ва ижро этувчи директорлардан иборат 100 дан ортиқ иштирокчилар қатнашди.
Унда, Марказий банк томонидан микромолия ташкилотлари фаолиятини микромолия банки фаолиятига ўзгартириш тартиби ва қонунчилик асослари, хусусан микромолия банки фаолиятини тартибга солишда белгиланган талаблар, микромолия банкларини ташкил этиш тартиблари ва лицензия олиш босқичлари бўйича маълумотлар берилди.
Тадбир сўнггида бу каби амалий семинарлар келгусида бозор иштирокчиларининг таклифлари асосида тематик тарзда ташкил этилишига келишиб олинди.
