Кредит рискини назорат қилиш бошқармаси Катта мутахассис

Талаблар

• Халқаро ва миллий сертификатларнинг мавжудлигига устуворлик берилади.
• Давлат тилини мукаммал билиши, барча хат-ҳужжатларни кирилл ва лотин алифбосида орфографик ва грамматик хатоларсиз ёза олиши лозим.
• Ўзбекистон Республикасининг Конституцияси, "Ўзбекистон Республикасининг Марказий банки тўғрисида"ги, "Банклар ва банк фаолияти тўғрисида"ги ҳамда банк тизимига доир бошқа турдаги қарор ва фармонлардан хабардор бўлиш лозим.
• MS Office (Word, Excel, Power Point, Outlook) дастурларида эркин ишлай олиши лозим.
• Масъулиятли ҳамда жамоа билан ишлай олиши, янгиликларга интилувчан, ўз устида ишлай олиши лозим.
• Банк иши, молия ва иқтисодиёт йўналишлари бўйича камида бакалавр даражасига ега бўлиши.
• Банк-молия соҳасида иш тажрибаси - камида 3 йил
• Рус ва инглиз тиллари B1 даражасида

Иш вазифалари

• Банклар томонидан ажратилган кредитларни рисклар юзасидан индивидуал ва портфель асосида ўрганиш, мавжуд рискларни аниқлаш, банкларда кредит рискларини таққослаш, рискларни юмшатиш ва уларнинг бошқа рискларга таъсирини баҳолаш, шунингдек, уларнинг банклар молиявий барқарорлигига таъсирини таҳлил қилиш.
• Корпоратив кредитлаш йўналишида ўрганишлар ўтказиш, қарздорлар молиявий ҳолатини баҳолаш методикаларини жорий этишда тегишли норматив-ҳуқуқий ҳужжатларни экспертлар билан ҳамкорликда ишлаб чиқиш ва такомиллаштириш.
• Ўзбекистон Республикаси қонунлари лойиҳаларини ишлаб чиқиш, Ўзбекистон Республикаси Президенти Администрацияси, Олий Мажлиси, Вазирлар Маҳкамаси, вазирлик ва идоралардан келган норматив-ҳуқуқий ҳужжатлар бўйича департамент таклифларини тайёрлаш.
• Бошқарма фаолияти билан боғлиқ бўлган масалалар бўйича илғор хорижий тажрибаларни ўрганиш ва амалиётга татбиқ этиш бўйича таклифлар тайёрлаш.
• Бошқармага тегишли маълумотларни умумлаштириш, таҳлил қилиш ва тегишли тавсияларни ишлаб чиқиш.