Адлия вазирлиги томонидан 2023 йил 13 январда 3415-сон билан рўйхатга олинган Марказий банк бошқарувининг “Ўзбекистон Республикаси Марказий банки томонидан қабул қилинган айрим идоравий норматив-ҳуқуқий ҳужжатларни ўз кўчини йўқотган деб топиш тўғрисида”ги қарори қабул қилинди.
Бугунги кунда, тижорат банклари, микромолия ташкилотлари ва кредит бюроларининг раҳбар ходимлари учун белгиланган малака талаблари мазкур соҳаларнинг тартибга солувчи норматив-ҳуқуқий ҳужжатларида, ҳусусан Ўзбекистон Республикасининг “Нобанк кредит ташкилотлари ва микромолиялаштириш фаолияти тўғрисида”ги Қонунида, “Банк фаолиятига рухсат бериш тартиби ва шартлари тўғрисида”ги (рўйхат рақами 3252, 2020 йил 30 июнь) ҳамда “Кредит бюроларини рўйхатга олиш ва уларнинг фаолиятини лицензиялаш тартиби тўғрисида”ги (рўйхат рақами 3042, 2018 йил 25 июль) низомларда белгиланган бўлиб, ушбу идоравий норматив-ҳуқуқий ҳужжатнинг қабул қилиниши муносабати билан мазкур ташкилотлар соҳасидаги қонунчилик ҳужжатларида мавжуд бўлган номувофиқликлар бартараф этилди.
