Ўзбекистон Республикаси Марказий банки “Тизимли аҳамиятга молик банкларни аниқлаш тартиби тўғрисида”ги низомга асосан 2026 йил учун тизимли аҳамиятга молик банклар рўйхатини тасдиқлади.
Тизимли аҳамиятга молик банклар қуйидаги мезонлар асосида аниқланди:
- актив ва мажбуриятлар ҳажми;
- банк тизими иштирокчилари билан ўзаро боғлиқлиги;
- қамров;
- банк операциялари мураккаблиги.
Ҳисоб-китоб натижаларига кўра, Банк назорати қўмитаси томонидан қуйидаги банклар 2026 йил учун маҳаллий тизимли аҳамиятга молик банклар сифатида белгиланмоқда:
1. “Ўзмиллийбанк” АЖ
2. “Агробанк” АТБ
3. “Ўзсаноатқурилишбанк” АТБ
4. АТ “Халқ банки”
5. “Ипотека-банк” АТИБ
6. “Капиталбанк” АТБ
7. “Асакабанк” АЖ
2025 йил 1 октябрь ҳолатига тизимли аҳамиятга молик банкларнинг Ўзбекистон банк тизими активларидаги улуши 64 фоизни ташкил этмоқда.
