Марказий банк раҳбарияти ва Буюк Британиянинг Standard Chartered банки вакиллари ўртасида учрашув бўлиб ўтди. Учрашувда жорий ҳамкорликнинг асосий йўналишлари, хусусан, халқаро захираларни бошқариш масалалари муҳокама этилди.
Томонлар жаҳон бозорларидаги сўнгги тенденциялар ва молиявий барқарорликни таъминлаш ва иқтисодий ўсишни жадаллаштиришга хизмат қилувчи ташқи қарзни жалб қилиш имкониятлари ҳақида ўзаро фикр алмашдилар.
Шунингдек, учрашувда молиявий оммабопликни яхшилаш ва тадбиркорлик фаоллигини ошириш учун кичик ва ўрта бизнесни қўллаб-қувватлаш, капитал бозорини ривожлантириш ҳамда маҳаллий компаниялар учун тўғридан-тўғри кредит олиш имкониятларини кенгайтириш масалаларига тўхталиб ўтилди.
Учрашув якунида томонлар мамлакатнинг инвестиция салоҳиятини мустаҳкамлаш ҳамда Ўзбекистоннинг янада барқарор иқтисодий ривожланишини таъминлашга қаратилган ҳамкорликни чуқурлаштиришга келишиб олдилар.
________
Марказий банк ва Standard Chartered банки вакиллари ўртасида учрашув бўлиб ўтди
Янгиланган сана: 29 Янв 2025, 14:56