Ўзбекистон Республикаси Марказий банки ва Сингапур Марказий банкининг Global Finance & Technology Network (GFTN) ташкилоти ўртасида ўзаро англашув Меморандуми имзоланди.
Ушбу Меморандум икки томонлама ҳамкорлик алоқаларини ўрнатган ҳолда мамлакатда FinTech экотизимини ривожлантириш, рақамли иқтисодиётни қўллаб-қувватлаш ва глобал тажрибаларни татбиқ этишга қаратилган кенг қамровли дастурни амалга ошириш учун асос бўлиб хизмат қилади.
Ҳамкорлик доирасида қуйидаги йўналишлар қамраб олинади:
- FinTech соҳасини ривожлантириш стратегиясини ишлаб чиқиш;
- Кадрлар салоҳиятини ошириш ва махсус ўқув дастурларини ташкил этиш;
- Хакатонлар, форумлар ва инновация тадбирлари орқали FinTech ҳамжамиятини қўллаб-қувватлаш;
- Венчур молиялаш, стартаплар ва "яшил иқтисодиёт"ни ривожлантириш учун рақамли платформаларни жорий этиш.
