Нобанк кредит ташкилотининг устав фондидаги (устав капиталидаги) ўн фоизни ва ундан кўпроқ фоизни ташкил этадиган улушини бевосита ёки билвосита олгунига қадар Марказий банкнинг дастлабки рухсатномасини бериш

1. Хизмат номи:

Нобанк кредит ташкилотининг устав фондидаги (устав капиталидаги) ўн фоизни ва ундан кўпроқ фоизни ташкил этадиган улушини бевосита ёки билвосита олгунига қадар Марказий банкнинг дастлабки рухсатномасини бериш

2. Реестрга киритиладиган маълумот:

Нобанк кредит ташкилотлари иштирокчилари (акциядорлари)

3. Ариза берувчилар тоифаси:

Жисмоний шахс, юридик шахс

4. Дастлабки рухсатнома берувчи орган:

Ўзбекистон Республикаси Марказий банки

5. Ҳужжатларни топшириш тартиби:

а) Марказий банкнинг расмий веб сайти орқали (www.cbu.uz).

6. Дастлабки рухсатномани олиш учун тақдим қилинадиган ҳужжатлар:

1) нобанк кредит ташкилотининг иштирокчилари (акциядорлари) таркибига янги иштирокчи (акциядор) кирган тақдирда:

а) нобанк кредит ташкилотининг устав фондидаги (устав капиталидаги) улушни олиш учун йўналтириладиган маблағларнинг манбалари тўғрисидаги ҳужжатлар билан тасдиқланган ахборотни;

б) нобанк кредит ташкилотининг устав фондидаги (устав капиталидаги) улушини олишни ният қилган шахснинг ЎРҚ–765-сонли Қонуни 14-моддасининг иккинчи қисмида белгиланган талабларга мувофиқлигини тасдиқловчи маълумотларни;

в) ЎРҚ–765-сонли Қонуни 20-моддасининг учинчи қисмида кўрсатилган тегишли ҳужжатларни, агар нобанк кредит ташкилотининг устав фондидаги (устав капиталидаги) улушини олишни ният қилган шахс норезидент бўлса;

2) иштирокчига (акциядорга) тегишли ҳиссанинг миқдори (акциялар сони) кўпайтирилган тақдирда - нобанк кредит ташкилотининг устав фондидаги (устав капиталидаги) улушларини кўпайтириш учун йўналтириладиган маблағларнинг манбалари тўғрисидаги ҳужжатлар билан тасдиқланган ахборотни.

7. Аризани кўриб чиқиш учун тўланадиган йиғим миқдори:

Бепул

8. Дастлабки рухсатнома берилганлиги учун давлат божи миқдори:

Бепул

9. Аризани кўриб чиқиш ва қарор қабул қилиш муддатлари:

15 иш куни

10. Дастлабки рухсатномани бериш талаблари ва шартлари:

а) Ўзбекистон Республикасининг “Нобанк кредит ташкилотлари ва микромолияштириш фаолияти тўғрисида”ги Қонуни талабларига риоя қилиш;

б) ҳужжатлар тўлиқ ҳажмда тақдим этилиши ва (ёки) уларда нотўғри ва (ёки) бузиб кўрсатилган маълумотлар мавжуд эмаслики;

в) нобанк кредит ташкилотининг устав фондидаги (устав капиталидаги) улушини олаётган шахснинг ЎРҚ–765-сонли Қонуни
14-моддасининг иккинчи қисмида белгиланган талабларга мувофиқлиги;

г) кредитга, гаровга олинган маблағлардан ва мажбуриятлар юклатилган бошқа маблағлардан, шунингдек жиноий фаолиятдан олинган маблағлардан нобанк кредит ташкилотининг устав фондидаги (устав капиталидаги) улушларини олиш учун фойдаланилмаслик.

11. Назорат тартиби:

12. Дастлабки рухсатнома беришда келишиладиган органлар

Монополияга қарши органнинг олдиндан розилигини олиш талаб этилади, агар рақобат тўғрисидаги қонунчилик ҳужжатларига мувофиқ бундай розилик талаб этилса.

13. Дастлабки рухсатномани амал қилиш муддати:

Чекланмаган. Нобанк кредит ташкилотининг устав фондидаги (устав капиталидаги) улушини олиш учун берилган дастлабки рухсатнома у олинган кундан эътиборан олти ой давомида юридик кучини сақлаб туради.

14. Изоҳ: