Размер шрифта: A A A
Цвет сайта: A A A A

20 000 сўм

Янгиланган сана:  4 Ноя 2021, 11:55
2021

Ўзбекистон Республикаси Марказий банкининг 
2021 йил намунасидаги 20000 сўм қийматидаги банкнотаси

Ўзбекистон Республикаси Марказий банкининг қиймати 20000 сўм бўлган банкноти ўлчами 147 х 69 мм. қоғозда тайёрланган.

Банкнотнинг ўнг тарафида оч фонда қадимги “Буюк Ипак йўли”нинг рамзи бўлган туя ва “20000” рақами кўринишида сув белгилари жойлашган.

Банкнотнинг ўнг тарафида қоғоз қатламида кенглиги 3 мм.ли “динамик” эффектига эга бўлган, юқори ҳимояланган, учта тўртбурчак йўл кўринишидаги банкнотнинг устки қатламига чиқувчи ҳимоя ипи жойлаштирилган.

Ёруғлик манбаида ип тўлиқ кўринишга эга бўлиб, банкнотнинг исталган қиялик кўринишида ипдаги тасвирларда силжиш эффекти пайдо бўлади.

Олд ва орқа томонларининг асосий ранглари – кўк, бинафша
ва жигарранглардан иборат.

Банкнот олд томони чап қисмида ҳозирги Қорақалпоғистон Республикаси ҳудудида милоддан аввалги IV асрда қурилган, XX асрнинг 30-йилларида топилган “QO‘YQIRILGAN QAL’A” меъморий ёдгорлиги тасвирланган.

20 000 фейс.JPG

Юқори қисмининг чап тарафида ўзгарувчан рангли OVI бўёғида босилган “20000” рақами жойлашган бўлиб, маълум қиялик бурчаги кўриниши остида қирмизи рангдан яшил рангга ўзгаради.

Банкнот юқори қисмида “O‘ZBEKISTON RESPUBLIKASI MARKAZIY BANKI” матни, юқори ўнг бурчагида Ўзбекистон Республикасининг Герби сиёҳ рангда жойлашган.

Ўнг ва чап томони чеккасида жойлашган сиёҳ рангдаги махсус элемент кўриш қобилияти паст бўлган инсонлар учун мўлжалланган бўлиб, бўёқнинг бўртмалик хусусияти ҳисобига банкнотнинг қийматини аниқлаш имконини беради.

Банкнотнинг қуйи қисмида нақшинкор тасвир фонида “латент” (яширин) тасвир “UZ” кўринишида берилган бўлиб, у ёруғлик манбаига нисбатан маълум қияликда кўриниш хусусиятига эга.

Қуйи қисмининг чап томонидан банкнот қийматини акс эттирувчи “YIGIRMA MING SO’M” ёзуви ва “O‘ZBEKISTON SO‘MI RESPUBLIKA HUDUDIDA HAMMA TO‘LOVLAR UCHUN O‘Z QIYMATI BO‘YICHA QABUL QILINISHI SHART” матни жойлашган.

 Юқоридаги тасвирлар металлограф босма усулида бажарилган бўлиб, бармоқ учи билан сийпалаганда буёқнинг бўртмалигини сезиш мумкин.

Банкнот ўнг қисмидаги оч фонда нусха кўчиришга қарши ҳар хил диаметрдаги халқалар жойлаштирилган бўлиб, нусха кўчирилганда ушбу тасвирларда аниқлик йўқолади.

Юқори қисмдаги Ўзбекистон харитаси чизмасида оч чизиқлар билан “Буюк Ипак йўли”нинг карвон йўллари йўналиши кўрсатилган.

Юқори чап қисмидаги Қорақалпоғистон халқининг каштачилик матоларида қўлланиладиган нақш безаги тасвири регистр вазифасини бажаргани ҳолда, “олд” ва “орқа” томонларини бир-бири билан мос тушириш учун хизмат қилади. Ёруғликка қаратилганда оқ қисми банкнотнинг орқа томонидаги рангли элементлар билан қўшилиб тўлиқ нақш ҳосил қилади.      

Банкнотнинг рақами лотин алифбосидаги икки ҳарфли серия ва етти хонали сондан ташкил топган бўлиб, ўнг қисмида горизонтал ва чап қисмида вертикал кўринишда босилган.

Банкнот орқа томонида милоддан аввалги IV асрга тегишли бўлган, Султон Увайс тоғларидан жанубий шарққа қараб кетган баландликлар тепасида жойлашган “JОNBОS QAL’A ARXEOLOGIYA YODGORLIGI” тасвирланган.

апқукпқвапқвап.JPG

Ўнг қисмида милоддан аввалги VII-VI асрларда Орол-Каспий денгизи оралиғида яшаган халқларга тегишли сопол идиш ҳамда милоддан аввалги I асрга тегишли қадимий аҳоли томонидан зардўштлик маросимларида фойдаланилган туя кўринишидаги артефакт акс этган.

Ушбу тасвирлар металлограф босма усулида, икки хил ранг (сиёҳранг ва жигарранг)да аниқ чегараланган ҳолда босилган бўлиб, бармоқ учи билан сийпалаганда буёқнинг бўртмалигини сезиш мумкин.

Юқори чап қисмида “O‘ZBEKISTON RESPUBLIKASI MARKAZIY BANKI” матни ва банкнот муомалага чиқарилган йил “2021” чоп этилган.

Банкнотнинг пастки қисми чап ва ўнг бурчакларида банкнот номинал қиймати “20000” рақами оқ рангда бир чизиқда ҳамда юқори ўнг бурчакда “YIGIRMA MING SO‘M” ёзуви туширилган.

Пастки қисмида “O‘ZBEKISTON SO‘MINI QALBAKILASHTIRISH QONUNGA MUVOFIQ TA’QIB QILINADI” матни огоҳлантирувчи ёзув сифатида қайд этилган.


USD = 12620.09
+19.95
EUR = 13599.41
-42.76
RUB = 136.73
+0.81
GBP = 15892.48
-16.46
JPY = 83.33
+0.09
CHF = 13926.38
+8.19
CNY = 1745.42
+1.99
Барча валюталар
Online доступ к общедоступным информационным ресурсам ЦБ РУз в сети Интернет, с возможностью просматривать и получать обновленную информацию, в том числе сведения о курсах валют.
Белгиланган матнни тинглаш учун қуйидаги тугмани босинг Powered by X