Агар сиз талаба бўлсангиз, креатив ва ихтирочи ҳамда ижодий видеоларни суръатга олиш ва яратишни яхши кўрсангиз, унда Марказий банкнинг ижодий танловида иштирок этинг.
Иштирокчиларнинг вазифаси қуйидаги мавзулардан бирида қисқа видео филм яратишдан иборат:
-
«Банк картаси қулай тўлов воситаси»
-
«Кредит тарихи нима?»
Видео учун қўйиладиган талаблар:
-
Видео танлов мавзуларидан бирига мос келиши керак;
-
Видео тили- ўзбек тили / рус тили
-
Давомийлиги 1-1,5 дақиқа
-
Формати: AVI, MPEG-4, MP3.
Танлов учун ишлар 2020 йил 16 мартга қадар communication@cbu.uz ва konkurs.cbu@gmail.comэлектрон манзиллари орқали (хат мавзусида «Global Money Week Танлови» деб кўрсатилиши лозим) ёки шахсан флешка (диск)да тақдим этган ҳолда қабул қилинади.
Танлов икки босқичда икки номинация бўйича ўтказилади:
1.Ҳакамлар ҳайъати ҳар бир мавзу бўйича учта энг яхши ишни аниқлайди.
2.Ҳар бир номинация бўйича энг яхши учта видеолавҳа 2020 йил 18 март куни ижтимоий тармоқларга очиқ овоз бериш ва ғолибни аниқлаш учун жойлаштирилади.
Танлов натижалари 2020 йилнинг 23 мартида Марказий банкда Жаҳон пул ҳафталигининг очилиш маросими доирасида эълон қилинади.
Танлов ғолиблари Марказий банкнинг қимматбахо совринларига эга бўладилар:
1-ўрин – ноутбук HP Pavilion
2 ўрин – телефон Samsung S10
3 ўрин – Марказий банкдан эсдалик совғаси
Қўшимча саволлар юзасидан қуйидаги телефон рақамларига мурожаат қилишингиз мумкин:
+998 71 212-60-71, +998 97 320-01-05
