“Ўзбекистон Республикаси Марказий банкининг эсдалик пул белгиларини тайёрлаш, сотиш, қайтариб харид қилиб олиш тартиби тўғрисидаги Низом” лойиҳаси Норматив-ҳуқуқий ҳужжатлар лойиҳалари муҳокамаси www.regulation.gov.uz порталига жойлаштирилди.
“Ўзбекистон Республикасининг Марказий банки тўғрисида”ги Қонун асосида ишлаб чиқилган мазкур низом лойиҳасида эсдалик пул белгилари муомаладаги банкнотлар ва тангалар каби Ўзбекистон Республикаси ҳудудида номинал қийматга эга нақд пул шаклидаги қонуний тўлов воситаси, шунингдек, номинал қийматидан юқори баҳоланувчи нумизматика, коллекциялаш, инвестиция ва жамғариш объектлари сифатида муомалада бўлиши кўзда тутилмоқда.
Ҳужжат лойиҳаси билан батафсил ушбу ҳавола (https://regulation.gov.uz/uz/document/13818.) орқали танишишингиз ҳамда таклиф ва мулоҳазаларингизни билдиришингиз мумкин.
