Марказий банкда 25 февраль куни ЕХҲТнинг халқаро эксперти, Бош прокуратура ҳузуридаги Иқтисодий жиноятларга қарши курашиш департаменти вакиллари, шунингдек тижорат банклари ходимлари иштирокида ишчи учрашув бўлиб ўтди.
Учрашув давомида банк тизимида жиноий фаолиятдан олинган даромадларни легаллаштириш ва терроризмни молиялаштириш билан боғлиқ таваккалчиликларни миллий баҳолаш натижалари, шунингдек, жиноий фаолиятдан олинган даромадларни легаллаштириш ва терроризмни молиялаштиришга қарши курашиш миллий тизимини баҳолашга тайёргарлик кўришга оид масалалар муҳокама қилинди.
