25 февраль куни Марказий банкда Осиё тараққиёт банки делегацияси аъзолари билан учрашув ўтказилди.
Учрашувда Иқтисодий бошқарувни яхшилаш дастури (ИБЯД) доирасида макроиқтисодий бошқарув ва молия соҳасини ислоҳ қилиш, банк тизимининг норматив-ҳуқуқий базасини мувофиқлаштириш масалалари муҳокама қилинди.
Бундан ташқари, учрашув давомида банк тизимини ривожлантиришда ўзаро ҳамкорликни кенгайтириш, банклар билан мавжуд лойиҳаларни мониторинг қилиш ва амалга ошириш, шунингдек, давлат банкларини хусусийлаштириш ва бу борада келгусида амалга ошириладиган ишлар юзасидан ўзаро фикр алмашилди.