24 февраль куни Навоий вилоятида тижорат банкларида трансформация жараёнини халқаро стандартлар асосида амалга ошириш, хусусан, Банк хизматлари марказларини ташкил этиш ва уларда замонавий банк хизматларини кўрсатиш сифатини янада яхшилаш масалаларига бағишланган семинар-тренинг ўтказилди.
Тадбирда банк тизимидаги ислоҳотлар, уларнинг мазмун-моҳиятини жойлардаги раҳбарлар ва мутахассисларнинг тушуна олиши ва яхши ўзлаштиришига бевосита боғлиқлиги таъкидлаб ўтилди.
Шу билан бирга, семинар-тренингда тадбиркорлик субъектларининг ҳамда фуқароларнинг мурожаатлари билан ишлаш, кредитлаш ва кредит мониторнги жараёнидаги муаммоларни аниқлаш ҳамда уларни бартараф этиш, таҳлилий ишларни такомиллаштириш юзасидан зарурий тушунтиришлар берилди.
