2 март куни Марказий банкда Жаҳон банки гуруҳига кирувчи Халқаро молия корпорациясининг Европа ва Марказий Осиё бўйича минтақавий директори Вибке Шлоемер бошчилигидаги делегацияси билан учрашув бўлиб ўтди.
Учрашувда банк ва молия тизимини ривожлантириш бўйича ўзаро ҳамкорликни кенгайтириш, банклар билан мавжуд лойиҳаларни самарали татбиқ этиш ва улар устидан мониторинг олиб бориш, шунингдек, давлат банкларини хусусийлаштириш ва бу йўналишда амалга оширилиши режалаштирилган чора-тадбирлар муҳокама этилди.
