Жорий йилнинг 3 март куни Марказий банк томонидан Ўзбекистон республика валюта биржасида тижорат банкларининг умумий ҳажми 150 млрд. сўм маблағларини жалб қилиш бўйича муддати 14 кунлик депозит аукциони ўтказилди.
Аукцион давомида 3 та тижорат банки томонидан жами 40 млрд. сўм маблағларни Марказий банк депозитларига жойлаштириш бўйича келиб тушган буюртманомалар тўлиқ қондирилди.
Аукцион натижаларига кўра, жойлаштирилган депозитлар бўйича ўртача тортилган фоиз ставкаси, шунингдек, минимал ва максимал ставка – йиллик 16,00 фоизни ташкил этди.
