Жорий йилнинг 31 март куни Марказий банк томонидан Ўзбекистон республика валюта биржасида тижорат банкларининг умумий ҳажми 100 млрд. сўм маблағларини жалб қилиш бўйича, муддати 14 кунлик депозит аукциони ўтказилди.
Аукционда 3 та тижорат банки томонидан Марказий банк депозитларига жойлаштириш бўйича жами 125 млрд. сўмлик буюртманомалар келиб тушди. Аукцион давомида тижорат банкларининг жами 100 млрд. сўмлик буюртманомалари қондирилди.
Аукцион натижаларига кўра, жойлаштирилган депозитлар бўйича ўртача тортилган фоиз ставкаси, шунингдек минимал ва максимал ставка – йиллик 16,00 фоизни ташкил этди.
