Бугун Фарғона вилоятида Ўзбекистон Республикаси Марказий банки масъул ходимлари, ҳудуддаги тижорат банклари раҳбарлари ҳамда банкларнинг ички назорат хизмати мутахассислари иштирокида ўқув машғулотлари ўтказилди.
Унда жиноий фаолиятдан олинган даромадларни легаллаштиришга ва терроризмни молиялаштиришга қарши курашиш соҳасида банк тизимидаги мавжуд муаммолар, банк операцияларини амалга оширишда йўл қўйилаётган камчиликлар ва уларни бартараф этиш, шунингдек, банкларнинг ушбу соҳадаги фаолиятини такомиллаштириш масалалари кўриб чиқилди ҳамда тегишли тавсиялар берилди.