Қорақалпоғистон Республикасида Марказий банк раиси Тимур Ишметов иштирокида тадбиркорлар билан очиқ мулоқот бўлиб ўтди. Учрашув давомида ҳудуд тадбиркорларини қийнаётган банк-молия соҳаси билан боғлиқ долзарб масалалар, молиявий хизматлардан фойдаланишда учраётган айрим камчиликлар ҳамда уларни бартараф этиш бўйича таклиф ва ечимлар муҳокама қилинди.
Очиқ мулоқот форматида ташкил этилган учрашув тадбиркорлар учун тўғридан-тўғри фикр алмашиш майдонига айланди. Унда амалдаги банк хизматлари, кредитлаш жараёнлари, ҳисоб-китоб ва тўлов тизимлари, шунингдек, молиявий инструментлардан фойдаланиш бўйича аниқ саволлар кўтарилди.
Шунингдек, тадбиркорлар томонидан билдирилган таклиф ва масалалар тегишли тартибда ўрганилиб, уларнинг ижобий ечими бўйича алоҳида “йўл харитаси” ишлаб чиқилиши маълум қилинди.
