Европа тикланиш ва тараққиёт банкининг (ЕТТБ) Ғазначилик директори Аксел ван Недервен бошчилигидаги делегацияси Марказий банкка ташриф буюриб, регулятор раҳбарияти билан учрашув ўтказди.
Мулоқот чоғида томонлар Марказий банк ва ЕТТБ вакилларидан иборат бўлган пул бозорини ривожлантиришда ҳамкорлик қилаётган ишчи гуруҳ фаолиятини муҳокама қилдилар.
Марказий банк раҳбарияти ЕТТБ томонидан ликвидликни прогнозлаш ва бошқариш бўйича кўрсатилган техник ёрдам регуляторнинг ушбу соҳадаги фаолиятини яхшилаганини таъкидлади.
Томонлар амалга оширилаётган пул-кредит операциялари самарадорлигини ошириш юзасидан фикр алмашдилар ва икки томонлама ҳамкорликнинг кейинги истиқболларини белгилаб олдилар.
ЕТТБ экспертлари Ўзбекистонда пул бозорининг ривожланишини муҳокама қилдилар
Янгиланган сана: 25 Фев 2022, 20:37
