Марказий банкда тўлов тизими операторлари, кредит ва тўлов ташкилотлари фаолиятида киберхавфсизликни такомиллаштириш масалаларига бағишланган йиғилиш ўтказилди.
Унда Ўзбекистон Республикаси Президенти ҳузуридаги Хавфсизлик Кенгаши аппарати масъул ходими, Марказий банк раҳбарияти ва тегишли департаменти мутахассислари, ҳудудий бош бошқармалар мутасадди ходимлари, банклар, тўлов тизими операторлари ва тўлов ташкилотлари раҳбарлари ҳамда ахборот ва киберхавфсизлик бўйича масъуллари иштирок этишди.
Тадбирда Ўзбекистон Республикаси Президентининг 2021 йил 1 июлдаги “Тўлов тизими операторлари, кредит ва тўлов ташкилотлари фаолиятида киберхавфсизликни такомиллаштириш чора-тадбирлари тўғрисида”ги ПҚ–5170-сонли қарорида белгиланган вазифалар, унинг мазмун-моҳияти ҳамда ушбу қарор ижроси юзасидан батафсил тушунтиришлар, кўрсатмалар ва зарурий маълумотлар берилди.
Киберхавфсизликни такомиллаштириш масалаларига бағишланган тадбир ўтказилди
Янгиланган сана:
9 Июн 2022, 19:35