Ўзбекистон Республикаси Марказий банкининг
1999 йил намунасидаги 25 сўм қийматидаги тангаси
Ўзбекистон Республикаси Марказий банкининг 1999 йил намунасидаги 25 сўм қийматидаги тангаси
1999 йил 20 октябрда Ўзбекистон Республикаси Марказий банкининг Жалолиддин Мангубердининг 800 йиллик юбилейига бағишлаб, қиймати 25 сўм бўлган эсдалик тангаси муомалага чиқарилди.
Танганинг олд томони марказида Жалолиддин Мангубердининг жанговар кийим-бошдаги бюсти тасвирланган. Танганинг юқори қисмида, унинг айланаси бўйлаб "JALOLIDDIN MANGUBERDI-800 YIL" матни ёзилган.
Танганинг ўнг тарафида "25" рақамлари билан унинг қиймати акс эттирилган ва пастда "SO'M" деб ёзиб қўйилган. Танганинг ён томони бўйлаб мунчоқсимон шаклда нақш туширилган. Танганинг орқа томонида Ўзбекистон Республикаси Герби жойлашган бўлиб, унинг атрофига "O'ZBEKISTON RESPUBLIKASI" деган матн ёзилган. Герб тагида танга чиқарилган йил - "1999" рақамлари акс эттирилган.
Танганинг ён томони бўйлаб мунчоқсимон шаклдаги нақш туширилган.
