3 март куни Европа тикланиш ва тараққиёт банки (ЕТТБ)нинг Ғазначилик департаменти раҳбари Аксел Ван Недервеен бошчилигидаги делегацияси билан учрашув ўтказилди.
Учрашувда ички пул бозорини ривожлантириш бўйича лойиҳа ҳамда бу борада ЕТТБ, Марказий банк ва бир нечта тижорат банклари мутахассисларидан иборат ишчи гуруҳини шакллантириш масалалари муҳокама қилинди. Делегация аъзолари банк соҳасида амалга оширилаётган ислоҳотларни қўллаб-қувватлаш ва барча зарурий ёрдам кўрсатишга ЕТТБнинг тайёрлигини билдиришди.
