3 mart kuni Yevropa tiklanish va taraqqiyot banki (YTTB)ning G‘aznachilik departamenti rahbari Aksel Van Nederveen boshchiligidagi delegatsiyasi bilan uchrashuv o‘tkazildi.
Uchrashuvda ichki pul bozorini rivojlantirish bo‘yicha loyiha hamda bu borada YTTB, Markaziy bank va bir nechta tijorat banklari mutaxassislaridan iborat ishchi guruhini shakllantirish masalalari muhokama qilindi. Delegatsiya a’zolari bank sohasida amalga oshirilayotgan islohotlarni qo‘llab-quvvatlash va barcha zaruriy yordam ko‘rsatishga YTTBning tayyorligini bildirishdi.
