Размер шрифта: A A A
Цвет сайта: A A A A

МАРКАЗИЙ БАНК ХАБАРИ: Банк хизматлари истеъмолчилари диққатига

Янгиланган сана:  30 Дек 2019, 07:36
27 Дек 2019

Марказий банкнинг Банк хизматлари истеъмолчиларининг ҳуқуқларини ҳимоя қилиш хизматига келиб тушаётган мурожаатларнинг таҳлили айрим банклар томонидан мижозларга банк хизматларини кўрсатишда қонунчилик талабларига риоя этмаслик ҳолатлари мавжудлигини кўрсатмоқда.

Масалан, Ипотека-банк билан фуқаро Д.Н. ўртасида 2018 йилда уй-жой сотиб олиш мақсадида кредит шартномаси тузилган бўлиб, ушбу ипотека кредити қарз олувчига йиллик 9 (тўққиз) фоиз ставка билан ажратилган. Бироқ, Ипотека-банк кредит шартномаси шартларига амал қилмасдан, қарз олувчига кредитдан фойдаланганлиги учун йиллик 16 (ўн олти) фоиз ставкасида фоиз ҳисоблаган. 

Бундан ташқари, Агробанк томонидан фуқаро А.О.га тегишли бўлган банк картаси орқали операциялар амалга оширилиши асоссиз равишда тўхтатиб қўйилган ва ушбу факт ҳақида фуқарога ҳабар берилмаган. 

Марказий банк томонидан истеъмолчиларнинг ҳуқуқларини тиклаш билан бир қаторда уларнинг ҳуқуқларининг бузилишига йўл қўйган банкларга нисбатан ҳам жавобгарлик чоралари кўрилмоқда. 

 Жумладан, банк хизматлари кўрсатишда йўл қўйилган қоидабузарликлар учун Ипотека-банк ва Агробанкдан Ўзбекистон Республикасининг “Банклар ва банк фаолияти тўғрисида”ги Қонунининг 57-моддасига мувофиқ жарима ундирилди.

Банк хизматлари истеъмолчилари ўз ҳуқуқ ва қонуний манфаатлари банклар томонидан бузилган тақдирда Марказий банкнинг Банк хизматлари истеъмолчиларининг ҳуқуқларини ҳимоя қилиш хизматига ёзма равишда ёки (71) 200-00-44 рақамли кўп каналли ягона «Ишонч телефони» орқали мурожаат этишлари мумкинлиги билдирилади.

USD = 10139.30
+9.74
EUR = 11051.84
+96.72
RUB = 141.35
+3.81
GBP = 12333.44
+72.62
JPY = 94.22
-0.43
CHF = 10443.20
+15.41
CNY = 1422.68
-3.76
Барча валюталар
Online доступ к общедоступным информационным ресурсам ЦБ РУз в сети Интернет, с возможностью просматривать и получать обновленную информацию, в том числе сведения о курсах валют.
Белгиланган матнни тинглаш учун қуйидаги тугмани босинг Powered by X