Joriy yilning 24 mart kuni Markaziy bank tomonidan O‘zbekiston respublika valyuta birjasida tijorat banklarining umumiy hajmi 100 mlrd. so‘m mablag‘larini jalb qilish bo‘yicha muddati 14 kunlik depozit auksioni o‘tkazildi.
Auksion davomida tijorat banklarining jami 30 mlrd. so‘m mablag‘larini Markaziy bank depozitlariga joylashtirish bo‘yicha kelib tushgan buyurtmanomalari to‘liq qondirildi.
Auksion natijalariga ko‘ra, joylashtirilgan depozitlar bo‘yicha o‘rtacha tortilgan foiz stavkasi, shuningdek, minimal va maksimal stavka – yillik 16,00 foizni tashkil etdi.