Markaziy bank “CERT-CBU” kiberxavfsizlik markazi haqida
Markaziy bank “CERT-CBU” kiberxavfsizlik markazi 2021-yil iyul oyida O‘zbekiston Respublikasi Prezidentining tegishli qaroriga muvofiq tashkil etilgan.
To‘lov tizimi operatorlari, kredit va to‘lov tashkilotlari faoliyatida kiberxavfsizlikni ta’minlash borasida Markaziy bank “CERT-CBU” kiberxavfsizlik markazi quyidagi asosiy vazifalarni bajaradi:
► muhim axborot infratuzilmasi obyektlarini aniqlash hamda ularning reestrini shakllantirish va kiberxavfsizligini ta'minlash bo‘yicha talablar ishlab chiqish;
► axborot tizimlari va resurslari hamda muhim axborot infratuzilmasi obyektlarini kiberxavfsizlik talablariga muvofiqligi yuzasidan ekspertizadan o‘tkazish;
► axborotlashtirish obyektlari hamda muhim axborot infratuzilmasi obyektlarida kiberxavfsizlik holati va ularning uzluksiz ishlashini ta’minlash bo‘yicha monitoring olib borish;
► axborotlashtirish obyektlarini axborot xavfsizligi auditidan hamda vakolatli organ tomonidan tegishli ruxsatnoma olgan holda attestasiyadan o‘tkazish;
► axborot tizimlari va resurslarida sodir bo‘lgan kiberxavfsizlik insidentlari oqibatlarining bartaraf etilishini nazorat qilish;
► kiberxavfsizlikni ta’minlash sohasidagi vakolatli organ hamda boshqa huquqni muhofaza qiluvchi organlar, vazirlik va idoralar, xalqaro tashkilotlar bilan hamkorlikni yo‘lga qo‘yish;
► axborot xavfsizligi va kiberxavfsizlik insidentlarni, xatarlarni aniqlash;
► axborot xavfsizligi va kiberxavfsizlik insidentlarni oldini olish maqsadida zaruriy ta’sir choralarini ko‘rish bo‘yicha ko‘rsatmalar berish;
► chet el tashkilotlarining axborot xavfsizligi va kiberxavfsizlik bo‘yicha tegishli bo‘linmalari, CERT xizmatlari bilan hamkorlik qilish.
