2 mart kuni Markaziy bankda Jahon banki guruhiga kiruvchi Xalqaro moliya korporatsiyasining Yevropa va Markaziy Osiyo bo‘yicha mintaqaviy direktori Vibke Shloyemer boshchiligidagi delegatsiyasi bilan uchrashuv bo‘lib o‘tdi.
Uchrashuvda bank va moliya tizimini rivojlantirish bo‘yicha o‘zaro hamkorlikni kengaytirish, banklar bilan mavjud loyihalarni samarali tatbiq etish va ular ustidan monitoring olib borish, shuningdek, davlat banklarini xususiylashtirish va bu yo‘nalishda amalga oshirilishi rejalashtirilgan chora-tadbirlar muhokama etildi.