Markaziy bankda Xalqaro Islom savdo-moliya korporatsiyasi (ITFC) vakillari bilan uchrashuv o‘tkazildi.
Unda mehmonlarga joriy pul-kredit siyosati, tashqi sektor statistikasi, shuningdek, mamlakat bank tizimi haqida ma’lumot berildi.
Muloqot davomida xususiy tadbirkorlikni rivojlantirishga qaratilgan loyihalarni kengaytirish istiqbollariga alohida e’tibor qaratildi.
Ma’lumot uchun: Xalqaro Islom savdo-moliya korporatsiyasi (ITFC) Islom taraqqiyot banki guruhining a’zosi hisoblanadi. Ushbu tashkilotni tashkil etish to‘g‘risidagi qaror 2005-yil iyun oyida qabul qilindi. Natijada Xalqaro Islom savdo-moliya korporatsiyasi Islom taraqqiyot banki guruhidagi turli tashkilotlar ilgari mas’ul bo‘lgan barcha savdoni moliyalashtirish operatsiyalarini birlashtirdi.
Xalqaro Islom savdo-moliya korporatsiyasi vakillari bilan uchrashuv
Yangilangan sana: 30 Mar 2022, 14:26
