Oʼzbekiston Respublikasi Markaziy banki raisi oʼrinbosari boshchiligidagi delegatsiya Turkiyaning omonatlarni kafolatlash fondi (SDIF) bilan oʼzaro tajriba almashish maqsadida Istanbul shahrida boʼldi.
Tashrif davomida Turkiyaning omonatlarni kafolatlash fondi kengashi aʼzosi Yusuf Oksuzomer va boshqa masʼul tashkilotlar rahbarlari bilan uchrashuvlar oʼtkazildi.
Muloqotlarda tomonlar ikki mamlakat fondlarining faoliyati, banklarni sanatsiya qilish, riskka asoslangan mukofot tizimi, toʼlovni qaytarish va toʼlash jarayoni, omonatlarni sugʼurtalash va ularni moliyalashtirishga doir amaliyotlar yuzasidan fikr almashishdi.
Turkiyaning omonatlarni kafolatlash fondi bilan oʼzaro tajriba almashildi
Yangilangan sana:
21 Noy 2023, 14:35