Markaziy bank tomonidan respublikamizning barcha hududlarida aholi va tadbirkorlar bilan bank tizimidagi mavjud muammolar va korruptsiyaning oldini olish masalasiga bagʼishlangan ochiq muloqotlar tashkil etildi.
Ochiq muloqotlarda korruptsiya oʼta xavfli jinoyat hisoblanib, insonning hayoti, sogʼligi, mulkiga hamda jamiyatga katta xavf tugʼdiradigan illat ekanligi taʼkidlandi. Shu bilan birga, Markaziy bankning korruptsiyaga qarshi kurashishga oid ichki meʼyoriy hujjatlari mazmun-mohiyati haqida tushuntirishlar berildi.
Ishtirokchilar korruptsiyaga qarshi kurashish sohasida olib borilayotgan muhim tashkiliy-huquqiy islohotlarga doir qarashlari, shuningdek, jamiyatda korruptsiyaga qarshi murosasiz munosabatni shakllantirishga yoʼnaltirilgan tizimli ishlar borasida oʼz fikr va mulohazalarini bildirdilar.
Tadbirlarda hududlardagi aholi va tadbirkorlarning murojaatlari tinglanib, joyida ijobiy hal etish boʼyicha koʼrsatmalar berildi.
Hududlarda aholi va tadbirkorlar ishtirokidagi ochiq muloqotlarda korruptsiyaning oldini olish masalalari muhokama etildi
Yangilangan sana:
4 Avg 2022, 18:36
