Moliyaviy taʼlimni rivojlantirish sohasidagi oʼzaro manfaatli hamkorlikni kengaytirish maqsadida imzolangan mazkur Memorandum Oʼzbekiston Respublikasida yoshlar va aholining raqamli moliyaviy savodxonligini oshirish boʼyicha saʼy-harakatlarni birlashtirishga xizmat qiladi.
IT-Park IT-tadbirkorlik, startap ekotizimi, raqamli savodxonlik va IT-madaniyati rivojlantirish uchun qulay shart-sharoitlar yaratish sohasidagi yetakchi tashkilot sifatida yoshlarning qiziqishini ragʼbatlantirish, shuningdek, aholining kompьyuter va raqamli savodxonligini rivojlantirishga xizmat qilmoqda.
Memorandumda aholining raqamli moliyaviy savodxonlik va moliyaviy xizmatlar haqida xabardorlik darajasini quyidagilar orqali oshirish koʼzda tutilgan:
- raqamli texnologiyalar va xizmatlardan xavfsiz hamda samarali foydalanish boʼyicha onlayn oʼquv materiallarni ishlab chiqish;
- oʼquv kurslar, anʼanaviy va onlayn tadbirlar, shu jumladan vebinar, seminar, va davra suhbatlari tashkil etish;
- aholi va tadbirkorlar moliyaviy savodxonligini oshirish taʼlim dasturlari, tadbirlari va loyihalarini amalga oshirish.
