Размер шрифта: A A A
Цвет сайта: A A A A

Markaziy bank tomonidan «Bank xizmatlari iste’molchilari bilan o‘zaro munosabatlarni amalga oshirishda tijorat banklarining faoliyatiga qo‘yiladigan minimal talablarning asosiy qoidalari» mavzusida seminar tashkil etildi

Yangilangan sana:  2 Mar 2020, 17:27
13 Avg 2018

Markaziy bank tomonidan «Bank xizmatlari iste’molchilari bilan o‘zaro munosabatlarni amalga oshirishda tijorat banklarining faoliyatiga  qo‘yiladigan minimal talablarning asosiy qoidalari» mavzusida seminar tashkil etildi

2018 yil 11 avgustda O‘zbekiston Respublikasi Markaziy banki tomonidan O‘zbekiston banklari Assotsiatsiyasi bilan birgalikda bank xizmatlari iste’molchilari bilan o‘zaro munosabatlarni amalga oshirishda tijorat banklarining faoliyatini takomillashtirish masalalariga bag‘ishlangan seminar o‘tkazildi.

Mazkur seminar ishida Markaziy bank hamda tijorat banklarining rahbar va mas’ul xodimlari orasidan uch yuzdan ortiq ishtirokchilar qatnashishdi.


Bank xizmatlari iste’molchilari bilan o‘zaro munosabatlarni amalga oshirishda tijorat banklarining faoliyatiga qo‘yiladigan minimal talablar to‘g‘risidagi nizom Markaziy bank tomonidan O‘zbekiston Respublikasi Prezidentining 2018 yil 23 martdagi PQ–3620-son «Bank xizmatlari ommabopligini oshirish bo‘yicha qo‘shimcha chora-tadbirlar to‘g‘risida»gi qaroriga muvofiq ishlab chiqilgan.

Seminar davomida Markaziy bank vakillari tomonidan mazkur Nizom bandlari, jumladan, bank xizmatlari iste’molchilariga axborot taqdim etish qoidalari, rasmiy veb-saytda taklif etilayotgan xizmatlar shartlari va reklama tusidagi axborotlarni joylashtirish xususiyalari, muddati o‘tgan qarzdorlik vujudga kelganda iste’molchilar bilan o‘zaro munosabatlarni amalga oshirish qoidalari, shuningdek, iste’molchilarning murojaatlarini ko‘rib chiqish tartiblarini tushuntirish yuzasidan prezentatsiya taqdim etildi.

Seminarda tijorat banklari tomonidan rioya etilishi lozim bo‘lgan mazkur Nizomning quyidagi talablarini batafsil tushuntirishga alohida e’tibor qaratildi:

bank tomonidan ko‘rsatiladigan barcha xizmatlar to‘g‘risida ma’lumotlarni iste’molchilarga bepul, davlat va rus tillarida oshkor etilishini ta’minlash;

bank tomonidan mijozlarga bankning veb-saytida ularning shaxsiy kabineti orqali kredit shartnomasining nusxasini olish hamda olingan kredit bo‘yicha ma’lumotlardan foydalanish imkoniyatini ta’minlash;

kredit shartnomasining shartlariga qarz oluvchining huquqlarini cheklanishiga va/yoki majburiyatlarini oshirilishiga olib keluvchi o‘zgartirishlarni bir tomonlama kiritilishi yo‘l qo‘yimasligini ta’minlash va boshqalar.

Mazkur Nizomning to‘liq matni bilan bu yerda tanishish mumkin (havola).

USD = 10209.86
+2.17
EUR = 12021.09
+125.05
RUB = 137.46
-4.91
GBP = 13362.66
+308.05
JPY = 96.43
+0.24
CHF = 11186.44
+98.36
CNY = 1463.91
+8.58
Barcha valyutalar
Online доступ к общедоступным информационным ресурсам ЦБ РУз в сети Интернет, с возможностью просматривать и получать обновленную информацию, в том числе сведения о курсах валют.
Belgilangan matnni tinglash uchun quyidagi tugmani bosing Powered by X