O‘zbekiston Respublikasi Markaziy banki tomonidan moliyaviy bilim va ko‘nikmalarni keng ommaga yetkazish, jumladan aholi o‘rtasida moliyaviy madaniyatni yuksaltirish maqsadida yangi ijtimoiy tashabbus — “Moliyaviy savodxon mahalla” loyihasi amalga oshirilmoqda.
Loyiha 17 ta tijorat banki ishtirokida joriy yilning aprel oyidan boshlab Toshkent shahrining barcha tumanlarida joylashgan 112 ta mahalla kutubxonalarida sinov tarzida amalga oshirildi va hozirda har oylik dastur asosida muntazam ravishda davom etmoqda.
Aprel va may oyidagi trening natijalariga ko‘ra, jami 3 926 kishi qamrab olindi, ulardan 2 288 nafari qizlardir.
