Asosiy natijalar:
- Bugungi kunda tadbirkorlik subyektlarining deyarli 80 foizi biznes qarorlarini mavsumiylik, raqobat va xomashyo narxlariga asoslanib qabul qilmoqda. Bu tadbirkorlar o‘z faoliyatlarini muhitga mos ravishda yuritishga harakat qilayotganligini anglatadi.
- Inflyatsiya esa tadbirkorlar uchun eng muhim makroiqtisodiy ko‘rsatkichlardan biri hisoblanadi. Biroq, tadbirkorlik faoliyatida makroiqtisodiy ko‘rsatkichlar, masalan, YAIM o‘sishi va ishsizlik darajasi yetarlicha e’tiborga olinmayapti. Bu esa qaror qabul qilish jarayonida muhim omillarning hisobga olinmasligiga olib kelishi mumkin.
- Narx belgilash jarayonida tadbirkorlarning 33,1 foizi inflyatsiya ko‘rsatkichini, 27,7 foizi almashuv kursi o‘zgarishini va 24,3 foizi asosiy raqobatchilar narxlarini asosiy omil sifatida ko‘rmoqda. Bu natijalar iqtisodiy ko‘rsatkichlar tadbirkorlarning qarorlarida qanchalik ahamiyatga ega ekanligini ko'rsatib beradi.
