Oʻzbekiston va Armaniston Markaziy banklari oʻrtasida hamkorlik toʻgʻrisida Memorandum imzolandi.
Mazkur Memorandum ikki mamlakat Markaziy banklari oʻrtasida pul-kredit siyosati, toʻlov tizimlari, moliyaviy texnologiyalar, loyihalar va maʼlumotlarni boshqarish, shu jumladan Suptech va Regtech yoʻnalishlari, banklar hamda nobank kredit tashkilotlari faoliyatini nazorat qilish masalalari boʻyicha oʻzaro hamkorlikni amalga oshirish uchun xizmat qiladi.
Mazkur memorandum markaziy banklar oʻrtasida professional muloqotni rivojlantirish, qoʻshma uchrashuvlar, oʻquv tadbirlari, seminarlar va tanishuv tashriflarini tashkil etish hamda bilim va ilgʻor tajriba almashinuvini ragʻbatlantirish maqsadida imzolangan. Shu bilan birga, hujjat axborot almashinuvi boʻyicha aniq tamoyillarni belgilab, hamkorlik qonunli va samarali asosda, maxfiylik talablariga qatʼiy rioya etilgan holda amalga oshirilishini taʼminlaydi.
