Farg‘ona viloyatida Markaziy bank raisi o‘rinbosari boshchiligidagi ishchi guruh tomonidan “O‘zeltexsanoat” uyushmasi va “O‘zto‘qimachiliksanoat” uyushmasi rahbar-xodimlari hamda shu sohalarda faoliyat yuritayotgan biznes subyektlari vakillari ishtirokida uchrashuvlar tashkil etildi.
Unda elektronika hamda to‘qimachilik sohasida ishlayotgan tadbirkorlar ishtirok etib, o‘zlarini qiziqtirgan masalalar, ularni qiynayotgan muammolar borasida fikr-mulohazalarini va takliflarini bildirdilar.
Bundan tashqari, uchrashuvlarda kreditlash, kredit muddatini uzaytirish, salbiy kredit tarixi oqibatlari, mahsulotni sotish va eksportga chiqarish bilan bog‘liq masalalar muhokama qilindi.
Uchrashuvlarda ko‘tarilgan masalalar natijadorligini ta’minlash yuzasidan mutasaddi shaxslarga tegishli ko‘rsatmalar berildi.
Farg‘ona viloyatida elektrotexnika va to‘qimachilik sanoati vakillari bilan uchrashuvlar o‘tkazildi
Yangilangan sana: 12 Fev 2025, 19:57
