Xitoy Moliyaviy nazorati va boshqaruvi bo’yicha davlat boshqarmasi bilan hamkorlik

Markaziy bank va Xitoy Moliyaviy nazorati va boshqaruvi bo’yicha davlat boshqarmasi o‘rtasida bank nazorati sohasida hamkorlik to‘g‘risida o‘zaro Anglashuv Memorandumi imzolandi.

Mazkur hujjat ikki tomonlama hamkorlikni yangi bosqichga olib chiqish, bank tizimi ustidan samarali nazoratni tashkil etish, jinoiy faoliyatdan olingan daromadlarni legallashtirish va terrorizmni moliyalashtirishga qarshi kurashish sohalarida axborot almashish, shuningdek, Xitoy banklarining O‘zbekiston moliya bozorida o‘z faoliyatini yo‘lga qo‘yishiga xizmat qiladi.

Tomonlar Memorandum doirasida o‘zaro maslahatlashuvlar, moliyaviy va bank nazorati sohasida tajriba almashishga va qo‘shma tadbirlar tashkil etishga kelishib oldilar.