Global Currency Forum doirasida O‘zbekiston Respublikasi Markaziy banki vakillari IACA raisi Richard Uoll bilan uchrashuv o‘tkazdi.
Uchrashuv davomida tomonlar IACA faoliyatining asosiy yo‘nalishlari, shuningdek, assotsiatsiyaga a’zolik orqali yaratiladigan imkoniyatlarni muhokama qildi. Xususan, ekspert bilimlari bazasidan foydalanish, mavzuga oid vebinarlarda ishtirok etish hamda markaziy banklar va naqd pul muomalasi sohasi vakillari o‘rtasida tajriba almashish uchun xalqaro platformadan foydalanish imkoniyatlari ko‘rib chiqildi.
Uchrashuv yakunida O‘zbekiston Respublikasi Markaziy banki IACA’ga qo‘shilish imkoniyatlarini yanada chuqurroq o‘rganishga qiziqish bildirdi.
