Oʻzbekiston Respublikasi Markaziy banki va Xalqaro sertifikatlangan diplomli buxgalterlar assotsiatsiyasi (ACCA) oʻrtasida hamkorlik toʻgʻrisida Memorandum imzolandi.
Memorandum tomonlar oʻrtasida moliyaviy hisobotning xalqaro standartlarini joriy etish, xodimlarning kasbiy rivojlanishi hamda xalqaro professional malaka olish imkoniyatini taʼminlash sohasida oʻzaro hamkorlikni rivojlantirishga qaratilgan.
Mazkur Memorandum doirasida samarali ikki tomonlama hamkorlikni rivojlantirish, xususan, Markaziy bankning strategik islohotlarini qoʻllab-quvvatlash, bank tizimi shaffofligi va moliyaviy barqarorligini kuchaytirish, MHXSni joriy etish, shuningdek bank sohasi mutaxassislarining kasbiy malakasini oshirish maqsadida oʻzaro tajriba va axborot almashishni tashkil etish nazarda tutilgan.
