Banklarda risklarni nazorat qilish departamenti

Aloqa ma’lumotlari

71-212-60-20

Vazifa va funksiyalar

Departamentning vazifalari:

• Bank tizimida kredit, likvidlilik, bozor, operatsion hamda korporativ boshqaruv risklarini tahlil qilish va ularning moliyaviy barqarorlikka ta’sirini baholash;

• Bank tizimi bo‘yicha erta ogohlantirish indikatorlarini ishlab chiqish va ularning doimiy monitoringini amalga oshirish;

• Risklarni nazorat qilish bo‘yicha yagona metodologik yondashuv va indikatorlarni shakllantirish hamda banklar faoliyatini taqqoslama tahlil qilish;

• Aniqlangan risklar yuzasidan tahliliy xulosalar va takliflar tayyorlash, shuningdek risklarni boshqarish tizimini xalqaro standartlar asosida takomillashtirishga ko‘maklashish.

Departamentnig funksiyalari:

• Gorizontal va taqqoslama tahlillar, stress-testlar hamda ssenariy tahlillarini amalga oshirish;

• Tizimli risklarni aniqlash, erta ogohlantirish indikatorlarini ishlab chiqish va monitoring qilish;

• Risklarni boshqarish va prudensial nazoratni takomillashtirish bo‘yicha tahliliy ma’lumotlar, tavsiyalar va asoslangan takliflar tayyorlash;

• Zaruratga ko‘ra maqsadli tekshiruvlarni o‘tkazish hamda Markaziy bank rahbariyatini bank tizimidagi risklar va ularni kamaytirish choralari bo‘yicha axborot bilan ta’minlash.