Komplaens-nazorat va ichki audit departamenti

Aloqa ma’lumotlari

Telefon: 71-212-62-74

Vazifa va funksiyalar

Departamentning vazifalari:

• Markaziy bank va uning hududiy Bosh boshqarmalari, Markaziy bank tasarrufidagi korxona va tashkilotlar tomonidan ularga yuklatilgan vazifa va funksiyalarning bajarilishi ahvolini tekshirish, ular tomonidan amalga oshirilayotgan amaliyotlarning qonunchilikka va me’yoriy-huquqiy hujjatlar talablariga muvofiqligini tekshirish, ular faoliyatining samaradorligiga, buxgalteriya hisobi va hisoboti hamda moliyaviy hisobotlarining to‘g‘riligi va aniqligiga hamda haqqoniyligiga ob’ektiv baho berish bo‘lib hisoblanadi.

Departamentning funksiyalari

• Markaziy bank rahbariyatini Markaziy bankning hududiy Bosh boshqarmalari va Markaziy bank tasarrufidagi korxona va tashkilotlarda o‘tkazilgan audit tekshiruvlari natijalari bo‘yicha ob’ektiv tahlil va haqqoniy ma’lumotlar bilan ta’minlash;
• Markaziy bank va uning hududiy Bosh boshqarmalari, Markaziy bank tasarrufidagi korxona va tashkilotlar faoliyatining amaldagi qonun va me’yoriy hujjatlar talablariga muvofiqligiga, buxgalteriya hisobi va hisobotlarini aniqligi va haqqoniyligiga xolisona baho berish;
• Markaziy bankning mustaqil tarkibiy bo‘linmalari, Markaziy bankning hududiy Bosh boshqarmalari hamda Markaziy bank tasarrufidagi korxona va tashkilotlar faoliyatida mavjud tavakkalchiliklar bilan ishlash tizimi samaradorligini baholash va sifatini oshirish bo‘yicha asoslangan tavsiyalar berish;
• Markaziy bank va uning hududiy Bosh boshqarmalarida, Markaziy bank tasarrufidagi korxona va tashkilotlarda auditorlik tekshiruvlarini o‘tkazishga doir me’yoriy-huquqiy hujjatlarni ishlab chiqish va takomillashtirib borish;
• auditorlik faoliyatining xalqaro amaliyotdagi ilg‘or tajribalarini o‘rganib borish va ularni amaliyotga tadbiq qilish.