Moliyaviy monitoring departamenti

Aloqa ma’lumotlari

Telefon: 71-212-73-07

Vazifa va funksiyalar

Departamentning vazifalari

• banklar, nobank kredit tashkilotlari va toʻlov tashkilotlari tomonidan jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish sohasidagi (keyingi oʻrinlarda – soha) qonunchilik hujjatlari va ichki nazorat qoidalarga rioya etilishi ustidan nazoratni amalga oshirish;

• iqtisodiy sanksiyalar bilan bogʻliq tavakkalchiliklarni boshqarish tizimlari samaradorligini baholash;

• tavakkalchilikka asoslangan masofaviy va joyidagi nazoratni tashkil etish;

• tavakkalchilik darajasi yuqori boʻlgan operatsiyalar, yoʻnalishlar, sxemalar va tizimli kamchiliklarni aniqlash, shuningdek tegishli tavakkalchiliklarni kamaytirish boʻyicha choralar koʻrish;

• milliy va sektorlar darajasidagi tavakkalchiliklarni baholash natijalarini inobatga olgan holda nazorat ostidagi tashkilotlarning risk-profillarini baholash va tavakkalchiliklarni monitoring qilish;

• soha va sanksiyaviy komplayens boʻyicha normativ-huquqiy bazani takomillashtirish yuzasidan takliflar tayyorlash, shu jumladan xalqaro standartlar, ilgʻor amaliyot va ixtisoslashgan xalqaro tashkilotlar tavsiyalarini oʻrganish hamda joriy etish;

• Departament vakolatiga kiruvchi masalalar boʻyicha davlat organlari, xalqaro tashkilotlar va xorijiy davlatlarning vakolatli organlari bilan hamkorlik qilish.

Departamentning funksiyalari

• nazorat ostidagi tashkilotlar faoliyatini tavakkalchilikka asoslangan yondashuv asosida masofadan tahlil qilish va baholash;

• banklar, nobank kredit tashkilotlari va toʻlov tashkilotlari faoliyati boʻyicha standart va kuchaytirilgan monitoringni tashkil etish;

• sohaga oid hamda sanksiyaviy komplayens masalalari boʻyicha hisobotlar, maʼlumotlar va boshqa axborotlarni yigʻish, umumlashtirish va tahlil qilish;

• kompleks va mavzuli joyidagi nazorat tadbirlarini oʻtkazish;

• qonunchilik hujjatlari talablari buzilgan holatlarda taʼsir choralari va sanksiyalar qoʻllash boʻyicha takliflar tayyorlash;

• sektorlar darajasida tavakkalchiliklarni baholashni tashkil etish va milliy darajada tavakkalchiliklarni baholash jarayonlarida ishtirok etish;

• xalqaro standartlar va ilgʻor amaliyotni oʻrganish, shuningdek ularni joriy etish boʻyicha takliflar tayyorlash;

• Markaziy bank nomidan soha va sanksiyaviy komplayens boʻyicha xalqaro hamkorlik va oʻzaro aloqalarda ishtirok etish;

• Markaziy bankning hududiy bosh boshqarmalaridagi tegishli boʻlinmalar faoliyatini soha va sanksiyaviy komplayens masalalari boʻyicha muvofiqlashtirish.