Litsenziyalash va ruxsat berish tartiboti departamenti

Aloqa ma’lumotlari

Telefon: 71-212-73-33

Vazifa va funksiyalar

• banklar, mikromoliya banklari, islomiy bank faoliyatini amalga oshiruvchi banklar, to‘lov tashkilotlari, to‘lov tizimlari operatorlari, valyuta birjalari va kredit byurolari faoliyatini litsenziyalash bo‘yicha hujjatlarni ko‘rib chiqish;

• nobank kredit tashkilotlarini (mikromoliya tashkiloti, faktoring tashkiloti, kafolatlar berish tashkiloti, ipotekani qayta moliyalashtirish tashkilotini) hisob ro‘yxatidan o‘tkazish bo‘yicha hujjatlarni ko‘rib chiqish;

• lombard faoliyatini boshlaganlik va tugatganlik to‘g‘risidagi xabarnomalarni qabul qilish;

• bankning kuzatuv kengashi, boshqaruvi va islomiy moliya kengashi a’zolari, shuningdek muhim ahamiyatga ega xodimlari lavozimiga nomzodlarni lavozimiga kirishishidan oldin kelishish bo‘yicha hujjatlarni ko‘rib chiqish;

• bank va nobank kredit tashkilotlari faoliyati sohasidagi ruxsat etish xususiyatiga ega hujjatlarni berish masalalari bo‘yicha taqdim etilgan hujjatlarni ko‘rib chiqish;

• banklar va kredit byurolarining ustavlarini hamda ularga kiritilgan o‘zgartirish va qo‘shimchalarni ro‘yxatdan o‘tkazish bo‘yicha hujjatlarni ko‘rib chiqish;

• bank filiallari va bank xizmatlari ofislarini, shuningdek nobank kredit tashkilotlarining filiallarini ochganlik va yopganlik haqidagi xabarnomalarni qabul qilish;

• Markaziy bank tomonidan berilgan litsenziyalar va ruxsat etish xususiyatiga ega hujjatlarning, shuningdek qabul qilingan xabarnomalarning reyestrini yuritish;

• banklarning depozit sertifikatlarini chiqarish va muomalada bo‘lish shartlarini hamda ularga kiritilgan o‘zgartirish va qo‘shimchalarni ro‘yxatdan o‘tkazish;

• banklarning auditorlik tekshiruvlarini oʻtkazish huquqi uchun auditorning malaka sertifikatini berish bo‘yicha hujjatlarni ko‘rib chiqish.